تجربتي مع علاج التقشير الليلي من قود موليكلز | Good Molecules Overnight Exfoliating Treatment Review
- Melow Melow By Shahad | مدونة شهد
- 2 يونيو 2020
- 2 دقائق قراءة
:مكونات و وعود المنتج مكون من 10٪ من أحماض ألفا وبيتا هيدروكسي (احماض الفواكه) اللي يساعدوا على تجديد سطح البشرة وتتخلص من خلايا الجلد الميتة. يقلل من علامات الشيخوخة و يخلي البشرة ناعمة وأكثر إشراقًا بسبب حمض الجليكوليك وحمض اللاكتيك الذي يقشر سطح الجلد. يقلل من الحبوب و البثور و عيوب البشرة، و حمض الساليسيليك يساعد في فتح المسام المسدودة . يعتبر بداية أو مقدمة كويسة للبشرة إذا ما قد جربتوا أي نوع من أنواع التقشير الكيميائي، لأنه نسبة الأحماض فيه خفيفة لمتوسطة .. ((لكن!! دايمًا قبل ما تستخدموا منتج جديد جربوه على جزء صغير من البشرة عشان تشوفوا إذا كان يسبب لكم حساسية أو يناسبكم)) طريقة الإستخدام: يستخدم ٣ مرات في الأسبوع، في الليل فقط، ينحط قبل النوم. اغسل وجهي بغسول خفيف و بعدين أحط المقشر دا و بعدها مرطب خفيف. انتبهوا! ما ينفع تستخدموا معاه أي منتج فيه ڤيتامين سي أو ريتنول! و قبل ما تطلعوا في الشمس حطوا كريم حماية من الشمس. طيب و دحين حتكلم عن تجربتي معاه: من أول استخدام لاحظت وجهي بدأ يتقشر و بشكل ملحوظ، ما حسس لي بشرتي أو سبب لي حرقة و حكة و احمرار. و كنت استخدمه ٣ مرات في الاسبوع بس، و كنت احرص إني اصور وجهي كل أسبوع عشان أشوف إذا بيعطي نتيجة أو لأ. بعد تالت أسبوع لاحظت إنه آثار الحبوب خفت بنسبة ٨٠٪ و كان عندي تصبغات في خدودي بسبب التعرض لأشعة الشمس و اختفت بشكل نهائي. لاحظت كمان إنه لمن تكون في حبة في وجهي تبدأ تخف. الحبوب تحت الجلد أو الرؤوس البيضاء كانت تخف بنسبة كبيرة كل ما استخدمه. . بالنسبة للمسامات ما لاحظت فرق كبير فيها. العيب الوحيد فيه إنه يدبق الوجه و يصير يلصق في المخدة لمن انام :)
اخدته من موقع بيوتيلش @Beautylish .. سعره ٢٣ ريال :)
Comments