تجربتي مع منتجات كلر بوب | My Experience With Colourpop Products
- Melow Melow By Shahad | مدونة شهد
- 30 مايو 2020
- 2 دقائق قراءة
بعض المنتجات اللي جربتها من #كلربوب .. @colourpopcosmetics
السنقل شادوز من ارهب الايشادوهات اللي جربتها في حياتي، على انه سعرها نوعًا ما يعتبر رخيص إلا انه جودتها فنانة مرة. الألوان المات (المطفية) قوية و تندمج بسهولة و ما تبقع و اغلب الاوقات استخدمها من غير پرايمر.
و الالوان الشِمر مرة پيقمينتد و تبان من لمن لمسة وحدة، دايمًا استخدم اصباعي لمن احطهم. و لمن استخدم فرشة ارش عليها فكس بلس عشان يبان اللون اقوى و اوضح و يثبت على الجفن .. حقيقي تستاهل كل المدح اللي سمعته عنها.
الحلو عندهم إنه في پاليت مغانطيسي فاضي و انتوا تقدروا تعبوه بالآيشادوهات اللي تعجبكم. او تقدروا تنوعوا بين الايشدوهات و بودرات الوجه (برونزر- هايلايتر - بلشر - بودرة وجه) و تقدروا كمان تشتروا باليت صغير لبودرة الوجه لو ما تبغوا تحطوها في الباليت الكبير 😍
بالنسبة لبودرات الوجه .. في منها اللي مرة كويس و رهيب و في اللي ما عجبني و حسيت انه ماله داعي..
البلشرز و الهايلايترز مرة رهيبة و لونها قوي و واضح، زي ما انتوا شايفين لون البلشر غامق شوية 😩 لأنه في الموقع كان لونه افتح شوية، مع ذلك برضو مرة احبه و استخدمه دايما بس بيد خفيفة جدًا و انفض الفرشة كم مرة قبل ما احطه على خدي عشان لا اقلب طماطم 😂
درجة البلشر اسمها (Glass Slipper)
الهايلايتر مرة فنان و پيقمينتيد مرة و يعطي لمعة قوية من اول مسحة 🙇🏽♀️❤️ استخدمه بالفان برش و ارش عليها شوية فكس بلس و احطه على خدي. عشان يكون شكله طبيعي و يتخلص من منظر البودرة التقيلة على الوجه.
درجة الهايلايتر (1st Prize)
اما بالنسبة لبودرة الوجه ف كانت عادية و ما حبيتها مرة يعني تؤدي الغرض بس ما تكون الخيار الأول ليا لمن افكر استخدم بودرة للوجه .. فيه احسن منها الصراحة.
والبرونز كان صدمة قوية الصراحة 😂 اخدت لونين و كلها كانت فاتحة مرة على لون بشرتي و مع ذلك حسيت انها برضو ما تطلع لون و لازم احفر بقوة عشان يا دوب يطلع شوية من البودرة 🙉
والصراحة ما صورت البرونزر و البودرة لانه من كتر ماني كارهتهم مدري فين حطيتهم 😂😂
وانتوا قولوا لي ايش المنتجات اللي جربتوها من عندهم و حبيتوها؟ 🙇🏽♀️
Kommentare